Den norske filmen ”En ganske snill mann” fekk publikumsprisen under filmfestivalen i Berlin. Filmen kjempar saman med 25 andre filmar i hovudkonkurransen, og kan vinne enda fleire prisar under utdelingsseremonien i kveld (laurdag). Der skal blant anna Gullbjørnen delast ut.

”En ganske snill mann”, som er regissert av Hans Petter Moland, har fått lunken kritikk frå mange internasjonale filmmeldarar under festivalen. Men norske filmmeldarar har derimot skrytt mykje av filmen. Geir Kamsvåg i Film & Kino kallar honom ”tidenes beste norske komedie” og samanliknar honom med Coen-brørne og Aki Kaurismäki på sitt beste.

Kven som er mest pålitelege av norske og internasjonale filmmeldarar, får me vite 19. mars, da filmen har premiere i Noreg.